Цаагуур чинь юу болооод байна

No more BTS or kimchi

АНУ-н Ерөнхийлөгч Доналд Трамп Өмнөд Солонгосын экспортод тавигдах татварыг нэмэгдүүлэх талаар ярив. Үүнээс болж Солонгос – Америк гэсэн экспортын тээврийн өртөг, хугацаанд өөрчлөлт орох төдийгүй цаашлаад олон улсын тээвэр зуучлалын төв болсон энэ хоёр улсын боомтуудаар дамждаг бусад улсын тээврүүдэд ч нөлөөлөх бүрэн боломжтой болоод байна.

Өмнөх оны 10 сард АНУ-н талаас Өмнөд Солонгосын экспортод 15% хувийн татвар ноогдуулах тухай хэлэлцээр хийхээр болж байсан ч бүрэн шийдэлд хүрэлгүй Өмнөд Солонгос хүлээлгэсэн гэх шалтгаанаар 25% болгох шийдвэрийг гаргаад одоо боловсруулалтын шатандаа явж байна.

Харин нөгөө талд дэлхийн өнцөг булан бүрт тархаж цахим хуудсуудаар delete india гэх сөрөг сэтгэгдлийг аваад байгаа Энэтхэгчүүд аль хэдийнээ нүхээ ухаад Их Британ ч гэлтгүй Европын бусад улсуудтай худалдааны тохиролцоо хийгээд АНУ-с татгалзаад эхэлж байна.

Дахиад гинжин хэлхээ үүсгээд харвал одоогийн АНУ-н гаргаж байгаа түрэмгий шийдвэрүүд(Грийнландыг авна гэх мэт) НАТО-той үүссэн харилцааг улам муутгаж АНУ өрсөлдөгчдөөсөө илүү хамтрагч нартаа хатуу ханддаг гэсэн шүүмжлэлийг хүртээд байгаа.(Европын холбооны ерөнхийлөгч асан Жозе Мануэл Баррозо – АНУ болон НАТО-н харилцаа түүхэн доод хэмжээнд хүрсэн гэв.) Сануулахад АНУ бол НАТО-н анхдагч гишүүдийн нэг бөгөөд 1949 онд холбоог үүсгэн байгуулахад нэгдэж байсан юм.

Ерөнхий хандлага ямархуу байна?

Олон улсын тээвэр зуучийн ерөнхий хандлагын хувьд бол энэ он нилээн давгүй эхэлж байгаа гэж харагдаж байна. Ихэнх чухал үзүүлэлтүүд нь өмнөх оны энэ үетэй харьцуулахад өсөлттэй байгаа бөгөөд компаниуд ачаа хадгалуулах сул зай бүрийг булаацалдах, хүлээлгэтэй тээвэр илүү олшрох хандлагатай байгаа аж. Ерөнхийдөө тээврээ яг цагт нь авахыг хүссэн тээвэр хийлгэгч байгууллагууд бол илүү зардал гаргаж байж хүссэн үйлчилгээгээ авах хандлага ч бага зэрэг ажиглагдаж байгаа сурагтай. Дээрээс нь геополитикийн зарим асуудлууд, татварын бодлогууд зэрэг нь улам л үнэтэй бараа бүтээгдэхүүнийг бий болгоход нөлөөлж байгаатай ч давхар холбоотой.

Манай улсын хувьд бол 2025 оны сүүлийн сард экспортын дүн түүхэн дээд хэмжээнд хүрч 2 тэрбум долларт ойртсон ба 163 улстай ямар нэгэн байдлаар худалдаа хийсэн байна.

Харин энэ жилийн хувьд нүүрсний экспорт өмнөх жилүүдээс харьцангуй буурах магадлалтай хэдий ч зэсийн экспорт үүний сул зайг нөхөх боломжтой.

Та юу гэж бодож байна

АНУ-н 25% гэсэн энэ том тоотой татварын бодлого хэргэжиж эхлэх үеэс АНУ-н дотоодын компаниудын хувьд илүү хэцүү болох магадлал ч бас байгаа. Мэдээж энэ хоёр улс бол худалдааны хувьд хамтын ажиллагааны түвшин өндөрт тооцогддог бөгөөд автомашин, автомашины эд ангиуд, чип, хуванцар, эрдэс баялаг, гоо сайхны бүтээгдэхүүн гээд маш олон төрлийн бүтээгдэхүүн Өмнөд Солонгосоос АНУ руу жил бүр экспортлогддог.

Гэхдээ мэдээж хожоотой тал нь АНУ хэвээр байх учраас л ингэж зоригтойгоор татварын хувийг улам нэмэгдүүлж, шахалтанд оруулж байгаа хэрэг. Азийн улсууд руу ерөнхийдөө татварын бодлогоо тулгаад эхэлчихсэн гэж ойлгож болно(Хятадаас гадна).

Өмнөд Солонгосын хувьд бол манай улсын импортод маш том туслан гүйцэтгэгч буюу агаарын тээврүүд ихэнх нь Инчеон боомтоор дамждаг шүү дээ. Тэгэхээр энэ нь алсдаа бидний авч буй бараа бүтээгдэхүүний үнэ болон ирэх хугацаанд ч аажмаар нөлөөлж эхлэх хандлагатай боллоо гэж харагдаж байна.

Мэрэгэжилтний зөвөлөгөө

Олон улсын тээврийн зуучлалын эрэлттэй байгаа энэ үед тээвэр хийлгэж буй үйлчлүүлэгчид юунд анхаарвал зүгээр вэ? Гэдгийг бага зэрэг ярилцсан нь зөв байх.

Зөвхөн “ҮНЭ”-г анхаарч, хэдхэн доллараар хямд тээвэр сонгох нь мөн эцэстээ ямар уршиг дагуулах боломжтойг ч товчхон ярилцацгаая.

Хамгийн түрүүнд та өөрөө ямар төрлийн бараа тээвэрлүүлэх гэж байгаагаас аль тээвэр зуучтай хамтран ажиллах нь эхнээсээ шүүгдэж эхэлнэ. Жишээ нь: Температур горимтой юу? Аюултай ачаа юу? Түүвэр үү? гэх мэтээс шалтгаалан аль нь таны ачааг ямар ч алдаагүйгээр тээвэрлэх боломжтой нь харагдана.

Гаалийн бүрдүүлэлтийг нь яах вэ? Та өөрөө зохицуулах уу? Бусад хөлсний компаниар хийлгэх үү? Эсвэл давхар гаалийн бүрдүүлэлтээ хийгээд өгдөг тээвэр зуучтай хамтрах уу? Бүгд таны л гаргах шийдвэр.

Тээвэрлэлтийн дунд шатанд гарч болох эрсдэлүүдээс сэргийлж буюу таныг бүрэн хохиролгүй хамгаалж чаддаг тээвэр зуучийг сонгох нь мөн чухал. Жишээ нь бараа эвдрэх, алдагдах үед даатгал хэрхэн ажиллах, за геополитикийн зарим асуудлуудаас болж маршрут болон хугацаанд өөрчлөлт орох, хойшлох зэрэг маш олон төрлийн жижиг саатлуудаас болж таны ачааг тээвэрлэх үеийн асуудлуудыг хэрхэн шийдэж танд хамгийн таатай нөхцөлийг хэрхэн санал болгож байгааг мөн анхаарч авч үзэх нь зүйтэй.

Мэдээж олон улсын чанарын стандартыг өөрсдөө баримталдаг уу? Мөн хамтрагч агентууд нь олон жилийн туршлагатай стандартыг чандлан мөрддөг эсэхийг ч нягталж үзэх нь зүйтэй.

Энэ шалгуур үзүүлэлтүүд дээр үндэслэн та ямар тээвэр зуучаар тээврээ хийлгэхээ сонгоорой гэж зөвлөмөөр байна.

Мэдээж Омни Шиппинг ХХК эдгээр үзүүлэлтийг 2014 онд байгуулагдсан цагаас хойш ягштал мөрдөн ажиллаж, хийж буй тээвэр бүртээ харилцагчдадаа таатай нөхцөлөөр үйлчлэхийг зорьдог билээ.